Kvefpest

Léttfetafélagar athugið!

Vegna kvefpestar hefur stjórn félagsins ákveðið að leyfa félagsmönnum að hafa hrossin úti í Mýrunum til 13. júní. Þar verður þeim gefið því ekki er þar mikill hagi og er áætlað verð á hrossið 150 kr. per dag.

ps.

Ekki verður hleypt skaflajárnuðu hrossi í hólfið.

.

Nánari upplýsingar hjá:

Hörður:  848-4180.    .Raggi:  864-6361.     .Stebbi:  860-2050.    . Jón:  893-9346.

Stjórnin.

Landsmóti frestað

FRÉTTATILKYNNING VEGNA FRESTUNAR Á LANDSMÓTI HESTAMANNA

mánudagur 31.maí 2010

Fjölmenni var á fundi um kvefpestina

Af fundi hrossaræktarsmbandanna á Norðurlandi á Hótel Varmahlíð

Það var nánast fullt út úr dyrum á Hótel Varmahlíð í gærkveldi þegar hestamenn af Norðurlandi hittust til þess að ræða um kvefpestina.  Ingimar Ingimarsson formaður HSS stjórnaði fundinum fyrir hönd hrossaræktarsambandanna á Norðurlandi sem voru fundarboðendur.  Vilhjálmur Svansson og Sigríður Björnsdóttir fóru vel yfir stöðu mál og upplýstu fundargesti um þá vitnesku sem þau hafa aflað um þessa pest og ræddu hana í tengslum við fyrri faralda. Guðlaugur ræddi síðan um kynbótasýningar og komandi Landsmót þar sem hann lýsti m.a. annars þeirri skoðun sinni að fresta bæri Landsmóti að sinni og halda það á Vindheimamelum að ári.  Í máli dýralæknanna kom m.a. fram að ekki er búið að fá það staðfest hvaða veira það er sem veldur pestinni en góðu fréttirnar eru þær að búið er að útiloka allar helstu gerðir veira sem taldir eru mjög skæðir í hrossum.  Þá kom fram að gjarnan kæmi bakteríu sýking í kjölfar veirusýkingarinnar sem myndi þá lengja sjúkdómsferlið hjá hverjum hesti.  Bakterían er talin geta þrifist í nokkurn tíma í umhverfinu s.s. í safnstíum og mönnum því bent á að hreinsa út úr húsum sínum til þess að minnka smitálagið.  Fyrir haustið þurfa síðan allir hestamenn að þrífa og sótthreinsa hesthúsin og reiðtygin áður en starfsemi hefst að nýju í húsunum.  Ein spurningin sem Sigríður fékk var um það hvort pestin gæti borist í fólk.  Á meðan hún útskýrði að það væri ekki útilokað rak Guðlaugur upp allmikinn hnerra og endaði því sú umræða í almennum hlátri.

Þessi fundur var málefnalegur, umræður líflegar og trúlega gefið uggandi hestamönnum ákveðna ró að fá svör við mörgum af þeim spurningum sem fram komu þó ljóst sé að ýmislegt er enn óljóst varðandi þess óláns pest.

af vef   Íslensk hrossakynning

Fundur á Hótel Varmahlíð í kvöld.

Ágætu hestamenn og hrossaræktendur

Minni á fund með Sigríði Björnsdóttur, Vilhjálmi Svanssyni og Guðlaugi Antonssyni um hestapestina á Hótel Varmahlíð á sunnudagskvöldið (30. maí). Fundurinn hefst kl: 20:00 og eru allir velkomnir.

Fundurinn er haldin í nafni hrossaræktarsambandanna á Norðurlandi með þeim tilgangi að gefa mönnum færi á að ræða stöðu mála og fræðast um pestina.

Kveðja Eyþór Einarsson

Mikil samstaða á formannafundi LH

Formannafundur Landssambands hestamannafélaga var haldin í dag, 28.maí, í húsakynnum ÍSÍ. Fundurinn var vel sóttur en auk formanna og fulltrúa hestamannafélaganna sátu fundinn: stjórn LH, fyrrverandi formenn LH, formaður FHB og formaður FT. Fyrir hönd Landsmóts hestamanna ehf. mættu: stjórn Landsmóts ehf., framkvæmdastjóri, mótsstjóri og hluti framkvæmdanefndar.

Umræðuefni fundarins var áhrif kvefpestar á Landsmót 2010. Fundurinn hófst með því að Vilhjálmur Svansson dýralæknir og veirufræðingur og Gunnar Örn Guðmundsson héraðsdýralæknir héldu stutt erindi um veikina. Að því loknu voru fyrirspurnir fundargesta úr sal leyfðar.

Hér að neðan má sjá þær spurningar og svör sem dýralæknarnir sátu fyrir:

Sigurður Ævarsson – LH: Vísar í fyrirlestur Gunnars og spyr hvort að þeir hestar sem búið var að sleppa út hvort þeir hafi verið í upphafi eða enda veikinda?
GÖG: Hestarnir voru búnir að vera veikir og veiktust aftur. Fengu hita og hor.
Mælir með því að byrja ekki að þjálfa hrossin aftur fyrr en 2 vikum eftir síðasta hósta.  Byrja mjög rólega.

Ómar Didriksson – Geysi: Hefur veikin áhrif á sæði/frjósemi stóðhesta?
GÖG: Langvinnur sótthiti í stóðhestum hefur áhrif á sæðisgæði, en svona skammvinnur hiti eins og nú er í gangi hefur ekki áhrif.

Kristinn Guðnason – FHB: Sem dæmi; hestur sem er búin að vera veikur í 3 vikur og er einkennalaus í dag, hvað er eðlilegt að líði langur tími þar til hesturinn sé tilbúin til að þola þau átök sem hann verður fyrir í keppni?
GÖG: Það er mjög misjafnt eftir hrossum. Það var skoðað ofan í barka á nokkrum hrossum sem voru á mismunandi stigum veikinnar. Sum þeirra voru með roða og stækkaðan eitlavef. Sást slím í barka. Slímið virðist koma mest  frá slímhimnum  nefs, en ekki ofan úr lungunum. Ef einkennin eru horfin en hesturinn samt með einstakan hósta þá getur það tekið 3-6 vikur, misjafnt  eftir einstaklingnum, að komast aftur í þjálfun.

Kristinn Guðnason – FHB: Ef farið er of geyst af stað að nýju getur það haft varanleg áhrif á hestinn?
GÖG: Ég hef ekki trú á því að hesturinn beri varanlegan skaða.

Guðni Árnason – Smára: Er það möguleiki að hross sem hefur verið stopp í 7-8 vikur og er komið í þjálfun, hittir hross á LM sem er smitað, getur verið að það smitist aftur?
VS:  Tekur sem dæmi kverkeitlabólgu að það sé möguleiki á endursmiti  6 mánuðum seinna.

Oddur Hafsteinsson – LH: Vísar til prófana á lyfjum í Steinsholti og í Ingólfshvoli, vitið þið eitthvað um það?
VS og GÖG: nei, ekki neitt.

Haraldur Þórarinsson – LH: er sannað að hross séu að smitast aftur og aftur?
VS: hross sem eru í mjög smituðu umhverfi, þá já.

Valgerður Sveinsdóttir – Fákur: Þegar hross eru að endursmit, smitast aftur og aftur, er þetta þá sama bakterían sem er að koma aftur eða er þetta ný baktería?
VS: Þekkjum það bara frá mönnum að við fáum króníska streptokokka, semsagt sama bakterían aftur.

Jón Albert – fyrrv. form. LH: Er til einhver áætlun fyrir næsta áfall? Því mér sýnist að við eigum von á fleiri veirum á næstunni til landsins ef ekkert verður að gert.
GÖG: Já það er til grunnur að viðbragðsáætlun. Eitt stærsta áfallið væri ef inflúensan myndi berast til landsins. Hún er svo feiknalega smitandi.

Jón Albert – fyrrv. form. LH: Eru hestamenn með í því eða er þetta bara innan skrifstofunnar?
GÖG: Byrjar innan skrifstofunnar og svo eru fengnir til liðs hestamenn sem þekkja vel til. Ekki hægt að búa til viðbraðgsáætlun fyrir allar veirur, en grunnurinn er til.

Sveinbjörn Sveinbjörnsson fundarstjóri: Hverjar eru smitvarnirnar á Keflavíkurflugvelli?
GÖG: Tollverðir vita að það má ekki koma inn með hestabúnað. Innflutningur með pósti er allur tjékkaður af. Hestamenn sjálfir verndi búin sín. Stoppi sína gesti líka sjálf. Varðandi þessa veiru voru viðbrögðin ekki samræmd í upphafi meðal manna.

Jón Albert – fyrrv. form. LH: Greinin er í molum útaf kvefpest, hvað gerist þá ef verri veira berst til landsins? Leggur áherslu á að ítreka smitvarnir!
GÖG: hefur verið reynt að fá fjármagn til þess að dreifa bæklingum/einblöðungum  í t.d. flugvélum en ekki fengist.

Óþekktur fundargestur: Afhverju er fræðsla meðal þeirra sem koma til landins ekki betri?
GÖG: segir að ekki hafi fjárveiting fengist til þess að kynna svona til erlendra ferðamanna um borð í flugvélum.

Guðmundur Sveinsson – Léttfeti: Segir að dæmi úr Skagafirði hafa sýnt að fúkkalyf, astmalyf og slímlosandi lyf hafa lítið hjálpað veikum hrossum og engin áhrif haft á veikina.
GÖG: sumum hrossum virðist batna og líða betur við fúkkalyfsmeðferð. Hversu vel þeim batnar, upp á að geta farið að æfa þau aftur vill hann þó ekki fullyrða um.

Jónína Stefánsdóttir – Stígandi: Getur krónískur hósti, líkt og virðist hafa komið fram hjá Gísla Gíslasyni í Þúfum Skagafirði, komið fram ef hross eru hreyfð of snemma og hvort þau séu þá ekki orðin verðlaus?
GÖG: Fullyrði ekki um þetta en segir þó að dæmi séu um hross sem hóstað hafa í margar vikur hafa hætt því eftir fimm daga fúkkalyfsmeðferð.

Jónína Stefánsdóttir – Stígandi: Hvernig fer influensan með okkur fyrst þessi væga kvefpest er að setja allt á hausinn núna?  Hvað getum við gert til að fyrirbyggja að influensan nái til okkar, kannski með bóluefni?
VS: Ekki eru til góð bóluefni við influensu, því miður. Þó að influensan sé endilega ekki það versta, það versta við hana er hversu þrælsmitandi hún er. Ef influensa nær til landsins verður hún ekki landlæg heldur einn snarpur faraldur sem nánast ógjörlegt verður að stoppa.

Sigurður Ævarsson – LH: Hefði fólk áttað sig á því fyrr, hvað um var að ræða, hefði verið farið í lokanir á svæðum, og þá hvað lengi?
GÖG: Svíar hafa góða reynslu af slíkum lokunum, þeir loka hrossabúgörðum í 2-3 mánuði. Vandræði  okkar Íslendinga er að þessi hesthúsahverfi okkar eru einsdæmi, þekkjast ekki erlendis, mjög flókið að loka þeim.

Ómar Diðriksson – Geysir: Hafa einhverjir hestar sloppið við pestina?
GÖG: Hugsanlegt er að einhverjir sleppi, það er ekki vitað.

Björn Bjarnason – Sörli: Það eru margir hestamenn mjög svartsýnir á að halda LM2010 en vill benda á að um 120 hross hafa verið sýnd á kynbótasýningu á Sörlastöðum. Þar á meðal var 1 hestur sýndur frá Þúfum, Kappi frá Kommu, og fór í góðar tölur.

Guðmundur Sveinsson – Léttfeti: Vill taka það fram að Gísli Gíslason Þúfum tók það sérstaklega fram að hann hefur ekki séð Kappa frá Kommu veikjast.

Gunnari og Vilhjálmi þakkað fyrir fyrirlestrana og góð svör við spurningum fundargesta.

Á fundinum voru eftirfarandi tvær ályktanir samþykktar:

1) Ályktun til Matvælastofnunnar
Formannafundur LH haldinn 28.maí 2010 skorar á Matvælastofnun að hún láti rannsaka með hvaða hætti sjúkdómur sá sem herjar á íslenska hrossastofninn barst til landsins. Þá krefst fundurinn þess að stofnunin leiti þegar allra leiða til að koma í veg fyrir að aðrir sjúkdómar berist hingað. Telur fundurinn að núverandi framkvæmd sjúkdómavarna sé verulega ábótavant.

2)Formannafundur LH haldinn 28.maí 2010 hvetur stjórnir Landssambands hestamannafélaga, Bændasamtaka Íslands og Landsmóts hestamanna ehf. að hafa eftirfarandi þætti að leiðarljósi við ákvarðanatöku um hvort halda eigi Landsmót hestamanna á Vindheimamelum 2010 í ljósi þess sjúkdóms sem nú herjar á íslenska hrossastofninn:
- Velferð hestsins
- Ímynd hestamennskunnar og Landsmóts til framtíðar.

Nánar verður greint frá fundinum og niðurstöðum hans síðar.

af vef:  www.lhhestar.is

Opinn fundur á Norðurlandi um hestapestina

Næstkomandi Sunnudag (30. maí) munu hrossaræktarsamböndin á Norðurlandi standa fyrir opnum fundi á Hótel Varmahlíð vegna hinnar svokölluðu hestapestar. Tilgangur fundarins er að miðla upplýsingum til hrossaræktenda og tamningamanna vegna veikinnar og gefa mönnum færi á að skiptast á skoðunum um stöðu mála. Gestir fundarins verða Sigríður Björnsdóttir dýralæknir hrossasjúkdóma, Vilhjálmur Svansson, dýralæknir á Keldum og Guðlaugur Antonsson hrossaræktarráðunautur BÍ. Fundurinn hefst kl: 20:00.

Hrossaræktarsamband Skagfirðinga

Hrossaræktarsamtök Eyfirðinga og Þingeyinga

Hrossaræktarsamtök V-Húnavatnssýslu

Samtök hrossabænda í A-Húnavatnssýslu

af vef horse.is

BAKTERÍUSÝKING HELSTI ORSAKAVALDURINN

Félagsfundur

Léttfetafélagar

Landsmót og hestapesti

Spjallfundur um stöðu mála verður haldinn í Tjarnarbæ fimmtudagskvöldið 27. maí og hefst kl. 20.30.

Stjórnin.

Tiltekt

Hesthúseigendur í Flæðigerði.

Þá fer að koma að því að gera vorverkin.

Tiltektardagur er settur á 12. maí og er mæting við Tjarnarbæ klukkan 18.00.

Allir að mæta.

Stjórnin.

FIRMAKEPPNI

Firmakeppni Léttfeta hefur verið frestað um óákveðinn tíma vegna smitandi hósta sem herjar nú á hross.
Firmakeppnin verður haldin þegar hestar hafa náð heilsu á ný og verður þá auglýst.
Stjórnin