Skagfirska mótaröðin

Fimmgangur og tölt – Ráslisti

Skagfirska mótaröðin heldur áfram næsta miðvikudagskvöld með hörkumóti með mörgum áhugaverðum hrossum og knöpum.
Þá verður keppt í fimmgangi ungmenna,-áhugamanna og meistaraflokki og einnig keppt í tölti í barna og unglingaflokki.

Í barna, unglinga, ungmenna og áhugamannaflokki eru tveir inn á í einu og stjórnað af þul.

Mótið hefst klukkan 18:00 með töltinu og það klárað,

hlé gert eftir það og keppni í fimmgangi að því loknu.

Aðgangseyrir 1000 kr.-

Read more

ÁRSHÁTÍÐIN !!

Munið að panta miða á ÁRSHÁTÍÐINA

Einungis 100 miðar eru í boði og stendur forsalan fram til

 klukkan 20:00, í kvöld

þriðjudagskvöld 28. feb hjá

Steinunni í síma 865-0945 og Camillu í síma 869-6056.

sjá fyrri auglýsingu neðar á siðunni !!

Grunnskólamót 4. marz á Hvammstanga !

Sunnudaginn 4. mars verður Grunnskólamót hestamannafélaganna á Norðurlandi  vestra haldið í reiðhöllinni Þytsheimum á Hvammstanga og hefst mótið  klukkan 13:00  Þetta er fyrsta mótið í vetur og vonumst við eftir góðri þátttöku og skemmtilegri keppni eins og síðastliðin ár.

 

Skráningar þurfa að berast fyrir miðnætti á miðvikudag, 29. febrúar á netfangið:   thyturaeska@gmail.com

 

Keppt verður í:

1. – 3. bekkur  fegurðarreið

4. – 7. bekkur tölt

8. – 10. bekkur tölt

8. – 10. bekkur skeið, ef veður og aðstæður leyfa

 

Við skráningu skal koma fram:

nafn, bekkur og skóli knapa – - nafn hests og uppruni, aldur og litur – - keppnisgrein og upp á hvora hönd skal riðið.

Skráningargjald er 1000 krónur fyrir fyrstu skráningu og 500 krónur fyrir næstu skráningar og skal greiða á mótsstað (með peningum - kort ekki tekin) áður en mót hefst.

 

Grunnskólamótsreglur

Mótið er hugsað til að efla áhuga á hestaíþróttinni og gefa sem flestum kost á því að taka þátt. Keppt er eftir venjulegum hestaíþróttareglum og dæmt í samræmi við þær, keppni skal stjórnað af þul. Keppendur skulu hneigja sig í upphafi og lok keppni og hlíta fyrirmælum þular í hvívetna. Allir grunnskólanemar á Norðurlandi vestra eiga þátttökurétt.

1.    Mótið heitir Grunnskólamót hestamannafélaga á Norðurlandi vestra.

2.    Keppnisgreinar eru:

Ø  Fegurðarreið      1. – 3. bekkur.  Þar eru riðnir 2 hringir og látið fara fallega dæmt skal eftir stjórnun og þokka. 2 – 3 keppendur inná í einu.

Ø  Tvígangur 4. – 7. bekkur.  Riðnir tveir hringir á annað hvort brokki eða tölti og fet ½ hringur.  Áseta og stjórnun dæmd.

Ø  Þrígangur            4. – 7. bekkur.  Riðið einn hringur brokk, einn hringur tölt og fet ½ hringur.  Áseta og stjórnun dæmd.

Ø  Fjórgangur          8. – 10. bekkur.  Venjuleg íþróttakeppni, riðnir fjórir og hálfur hringur.  Einn hringur hægt tölt, einn hringur yfirferðar tölt,  ½ hringur fet , einn hringur brokk og einn hringur stökk.

Ø  Þrautabraut         1. – 3. bekkur.  Áseta, stjórnun og færni  dæmd.  Engin tímataka. Hringurinn 3 metrar í þvermál.

Ø  Smali                   4. – 7. og 8 .- 10. bekkur.  Smalabrautin skal vera skýr og hættulaus og forðast skal allan óþarfa glannaskap.  Keppt skal eftir tíma og skal bæta 4 sekúndum við tíma fyrir hverja keilu sem felld er eða sleppt.  Ef sleppt er hliði bætast  2×4  sekúndur við.  Gult spjald er jafnt og 10 sekúndur og má sýna ef knapi sýnir grófa reiðmennsku og jafnvel víkja keppanda úr sýningu. Bannað er að fara á stökki yfir pallinn

Ø Tölt                       4. – 7. bekkur.  Tveir inná í einu, riðið hægt tölt, einn hringur, snúið við og riðið tölt með hraðabreytingum á langhliðum einn hringur og fegurðarreið einn hringur, samtals þrír hringir .

Ø  Tölt                       8. – 10. bekkur.   Tveir inná í einu, riðið hægt tölt, einn hringur, snúið við og riðið tölt með hraðabreytingum á langhliðum einn hringur og greitt tölt einn hringur, samtals þrír hringir .

Ø  Skeið                   8. – 10. bekkur mega keppa í skeiði og skal tímataka vera samkvæmt venju á hverjum stað.  Fara skal 2 spretti og betri tíminn gildir.

¨       Keppni í skeiði er með fyrirvara um veður og aðstæður á hverjum stað.

v  Gult spjald má sýna ef knapi sýnir grófa reiðmennsku og jafnvel víkja keppanda úr sýningu.

 

3.    Keppandi má koma með hest hvaðan sem er, hesturinn/hesteigandi þarf ekki að vera í hestamannafélagi viðkomandi skólahverfis.

4.    Heimilt er að sami hestur sé skráður í 2  greinar.

5.    Foreldrar mega ekki vera inn á keppnisvellinum meðan á keppni stendur

6.    Keppendur í  tví- og þrígangi í 4. – 7. bekk,  verða að velja annað hvort tvígang eða þrígang að keppa í.  Óheimilt að sami keppandi keppi í báðum greinum.

7.    Í tölti, tví-, þrí- og fjórgangi mega keppendur keppa á fleiri en einum hesti, en í úrslitum verður einungis einn hestur frá hverjum knapa.

8.    Ef tveir eru jafnir í 5. og 6. sæti skulu báðir mæta í úrslit og verðlauna bæði sætin sem 5. sæti.

9.    Járningar, 10 mm skeifur og 250 gr. hlífar eða 8 mm og botnar.

10.  Í smala er ekki leyft að ríða við stangir, annars gilda almennar íþróttakeppnisreglur.

11.  Í Tölti 4. – 7. og 8. – 10. bekk og Fjórgangi 8. – 10. bekk skulu riðin B og A úrslit ef keppendur eru fleiri en 16

Stig:

Stigatafla fyrir alla greinar nema skeið,

Ef allir keppendur í úrslitum eru frá sama skóla  fær skólinn einungis stig fyrir efsta sætið, síðan næsti skóli inn í úrslit og svo framvegis.

1. sæti            gefur 10 stig til viðkomandi skóla

2. sæti            gefur  8 stig

3. sæti            gefur  7 stig

4. sæti            gefur  6 stig

5. sæti            gefur  5 stig.

Stigatafla fyrir skeið, öll stigin geta farið á sama skóla, þetta er aukabúgrein.

1. sæti            gefur  5 stig

2. sæti            gefur  4 stig

3. sæti            gefur  3 stig

4. sæti            gefur  2 stig

5. sæti            gefur  1 stig.

Árshátíð Léttfeta

 Árshátíð 2. mars n.k.

Föstudagskvöldið 2. mars nk. verður haldin enn ein snilldar árshátíð hjá hestamannafélaginu Léttfeta þar sem boðið verður upp á enn eina magnaða skemmtun.

Maturinn sem verður sem fyrr eldaður af félagsmönnum og rennur allur afrakstur til kaupa á eldhústækjum í Tjarnarbæ.

Dulmögnuð skemmtiatriði verða á dagskrá og í veislustjórn var narraður Guðmundur Sveinsson.

Geiri og Jói munu svo halda fólkinu í skagfirskri sveiflu fram á nótt.

Einungis 100 miðar eru í boði og stendur forsalan fram til kl. 20:00 þriðjudagskvöld 28. feb hjá Steinunni í síma 865-0945 og Camillu í síma 869-6056.

Miðaverð er hlægilega lágt eða aðeins kr. 4000-   Húsið opnar kl. 19:30 og dagskrá hefst stundvíslega kl. 20:00.

 

Fræðslu og skemmtinefnd

Þjálfun á afmörkuðu svæði, reiðhöll/reiðgerði.

Takið kvöldið frá !!

Mánudagskvöldið 20. febrúar (Bolludaginn) kl 20:00 í Tjarnarbæ

mun Brynjólfur Þór Jónsson reiðkennari frá Fagranesi

fjalla um þjálfun á afmörkuðu svæði ásamt reiðleiðum  og umferðarreglum í reiðhöll. Hann mun kynna fyrir okkur lokaverkefni sitt sem  hann vann í reiðkennaranáminu á Hólum og hvernig hægt er að nýta sér  reiðhöll/reiðgerði á markvissan hátt.

Hvetjum alla Léttfeta félaga sem og aðra til að koma og hlusta á fróðlegt erindi ásamt því að splæsa á sig rjómabollu og kaffi.

Fræðslunefnd Léttfeta

Úrslit í Fjórgangi

Næsta mót verður 29. febrúar.

Það kvöld verður keppt í fimmgangi í ungmennaflokki, áhugamannaflokki og meistaraflokki.

Börn og unglingar keppa hins vegar í tölti.

 

Úrslit í Fjórgangi í Skagfirsku mótaröðinni 15. febrúar

Read more

Skagfirska mótaröðin 2012

 

Fjórgangur

 

 

Fjórgangur 15. febrúar 2012  ( ráslisti til útprentunar )

 

Hefst miðvikudaginn 15.febrúar klukkan 18:00

 

með forkeppni í barnaflokki og úrslit riðin strax á eftir.

 

Síðan er unglingaflokkur og ungmennaflokkur kláraður.

 

Áhugamanna og meistaraflokkur reka síðan lestina með úrslitum í endann.

 

Í barna, unglinga, ungmenna og áhugamannaflokki eru tveir inn á í einu og stjórnað af þul.

 

Í meistaraflokki er einn inn á í einu.

  Read more

Videó

Á morgun þriðjudag er videó – upptaka  af þátttakendum í virka-daga-starfi hestamannafélaganna.

Sjá lista frá fyrri viku og póst.

Grunnskólamót 2012

 NÝJAR dagsetningar

Því miður þurfum við að breyta áður auglýstum dagsetningum fyrir Grunnskólamótin í vetur.

Mjög erfitt er að finna daga sem skarast sem minnst á við það sem er á dagskrá hjá skólunum og hestamannafélögunum, en endanlegar dagsetningar eru eftirfarandi:
4. mars , Fegurðarreið (1.-3. bekkur), Tölt (4.-10. bekkur) og Skeið í reiðhöllinni Þytsheimum á Hvammstanga
18. mars , Fegurðarreið (1.-3. bekkur), Tvígangur (4.-7. bekkur), Þrígangur (4.-7. bekkur), Fjórgangur (8.-10. bekkur) og Skeið í Svaðastaðahöllinni á Sauðárkróki
25. mars , Þrautabraut (1.-3. bekkur), Smali (4.-10. bekkur) og Skeið (8.- 10.bekkur) í reiðhöllinni Arnargerði á Blönduósi.

 

 

——-  Keppni í skeiði er með fyrirvara um veður og aðstæður á hverjum stað. ——-

 

Nánar auglýst þegar nær dregur.

 

Æskulýðsnefndir hestamannafélaganna á Norðurlandi vestra

Skagfirska mótaröðin

Skagfirska mótaröðinhefst 15. febrúar þar sem allir flokkar keppa í fjórgangi.

Keppt verður í barna-, unglinga-, ungmenna-, áhugamanna-, og  meistaraflokki.

Keppni hefst kl. 18:00 á barnaflokki. Skráning þarf að berast fyrir kl 24:00 sunnudagskvöldið 12.  febrúar á netfangið   fritz@mi.is.   Það verður kjötsúpa í kvöldmat eftir kl 19:00

 

Næsta mót verður 29. febrúar.

Það kvöld verður keppt í fimmgangi í ungmennaflokki, áhugamannaflokki og meistaraflokki.  Börn og unglingar keppa hins vegar í tölti.

 

Þriðja mótið verður haldið þann 14. mars.

Ungmenni, áhugamenn og meistarar  keppa þá í tölti en börn og unglingar keppa í annað sinn í fjórgangi.

 

Fjórða og síðasta mótið er svo áætlað 28.mars.

Í barnaflokki og unglingaflokki verður keppt í tölti en aðrir keppa í skeiði. Einnig verður  keppt í smala þetta kvöld en keppnisfyrirkomulag hefur ekki verið ákveðið  í þeirri grein.

 

Skagfirska mótaröðin er stigakeppni þar sem stigahæsti keppandinn í hverjum flokki fyrir sig hlýtur verðlaun fyrir samanlagðan árangur á mótinu.

Eftirfarandi síða »