Landsmót 50+ 2012

Heilir og sælir kæru hestamenn

Helgina 8. – 10. júní verður haldið 2. Landsmót UMFÍ 50 + í Mosfellsbæ.

Á mótinu verður keppt í hestaíþróttum: fjórgangi, fimmgangi og tölti. Við hvetjum ykkur til að taka þátt í þessu skemmtilega móti og senda þessar upplýsingar á sem flesta.

Mótið er  íþrótta – og heilsuhátíð með fjölbreyttri dagskrá. Ásamt keppni í hinum ýmsu  íþróttagreinum verða  frítt á  fyrirlestrar,  kynningar á íþróttagreinum, hóptímar í m.a.  sundleikfimi, Zumba og línudansi. Einnig verður boðið upp á heilsufarsmælingar og fræðslu  um hollustu og heilbrigðan lífsstíl ásamt fjöldi annarra viðburða.
Framkvæmd mótsins verður í höndum  Ungmennasambands Kjalarnesþings og  Ungmennafélags Íslands í samstarfi við Mosfellsbæ og Heilsuvin.
Keppnisgreinar á  mótinu eru:  Almenningshlaup, badminton,  blak,  boccia, bridds, frjálsar, hestaíþróttir,  hringdansar, knattspyrna, kraftlyftingar,  línudans, pútt, ringó, skák,  starfsíþróttir, strandblak, sund, sýningar og þríþraut.

Allir á aldrinum 50 ára og eldri geta tekið þátt í keppnisgreinum mótsins hvort sem þeir eru í félagi eða ekki.

Þátttakendur greiða eitt mótsgjald og öðlast þar með þátttökurétt í öllum keppnisgreinum.  Mótsgjald  er 3500  krónur óháð greinafjölda. Frítt verður á tjaldstæði mótshelgina í Mosfellsbæfellsbæ. Skráning  fer fram á heimasíðu mótsins www.landsmotumfi50.is.

Aðstaða til keppni í hestaíþróttum er öll til fyrirmyndar  í Mosfellsbæ  ásamt annarri  íþróttaaðstöðu.
Sjáumst á Landsmóti UMFÍ 50 + í Mosfellsbæ helgina 8. – 10. júní 2012 kát og hress .

Mínar allra bestu kveðjur,
Sigurður Guðmundsson framkvæmdarstjóri Landsmóts UMFÍ 50 +
Frekari  upplýsingar um mótið er að finna inn á  http://www.landsmotumfi50.is/ eða senda  póst  á sigurdur@umfi.is sími: 568-2929

Grunnskólamót á Hvammstanga – úrslit

 

Í gær var haldið í Þytsheimum á Hvammstanga fyrsta af þremur Grunnskólamótum hestamannafélaganna á Norðurlandi vestra í vetur. Æskulýðsnefndir félaganna standa að þessari mótaröð. Þátttökurétt hafa börn og unglingar á grunnskólaaldri á svæðinu og keppa þau í nafni þess skóla sem þau stunda nám við, skólarnir eru alveg ótengdir mótunum að öðru leiti.

Mótið tókst mjög vel, góð þátttaka, góð stemning og gott veður. Æskulýðsnefnd Þyts þakkar öllum keppendum, aðstandendum þeirra og öllum starfsmönnum kærlega fyrir mjög góðan dag.

 

Næsta mót verður í Svaðastaðahöllinni  á Sauðárkróki sunnudaginn 18. mars , þar verður keppt í:

 Fegurðarreið 1.-3. bekkur, Tvígangur 4.-7. bekkur, Þrígangur 4.-7. bekkur, Fjórgangur 8.-10. bekkur og Skeið  8.-10. bekkur.

 

 

Úrslitin voru eftirfarandi:

	Fegurðarreið 1.-3 bekkur
	Nafn	Hestur	litur	Bekkur	Skóli	Úrslit	Fork
1	Björg Ingólfsdóttir	Hnokki frá Dýrfinnustöðum	grár 8v	3	Varmahl.sk	7,75	6,75
2	Jón Hjálmar Ingimarsson	Flæsa frá Fjalli	jarpblesó 8v	3	Varmahl.sk	6,25	5,50
3	Júlía Kristín Pálsdóttir	Náð frá Flugumýri	bleikálótt 8v	3	Varmahl.sk	5,50	4,75
4	Einar Pétursson	Prímus frá Brekkukoti	rauðglófext 7v	2	Húnavallask	5,25	4,50
5	Rakel Gígja Ragnarsd	Uggur frá Grafarkoti	brúnblesó 6v	2	Gr.Húnaþ ve	4,00	3,00

 

	Tölt 4. – 7. bekkur	B-úrslit
Nr	Nafn	Hestur	Litur/aldur	Bekkur	Skóli	Fegurðartölt	Úrslit	Fork
6	Sigurður Bjarni Aadnegard	Prinsessa frá Blönduósi	leirljós 7v	7	Blönduskóli		5,67	5,50
7	Sólrún Tinna Grímsdóttir	Gjá frá Hæli	brún 11v	6	Húnavallask		5,17	5,35
8	Viktor Jóhannes Kristófersson	Geisli frá Efri-Þverá	rauður 11v	7	Gr.Húnaþ ve		4,42	4,85
9	Anna Herdís Sigurbjartsdóttir	Funi frá Fremri-Fitjum	móskj 13v	7	Gr.Húnaþ ve		4,42	4,95

 

	Tölt 4. – 7. bekkur	A-úrslit
Nr	Nafn	Hestur	Litur/aldur	Bekkur	Skóli	Úrslit	Fork
1	Ingunn Ingólfsdóttir	Hágangur frá Narfastöðum	rauðglófe 15v	6	Varmahl.sk	6,42	6,50
2	Rakel Eir Ingimarsdóttir	Vera frá Fjalli	bleikálótt 8v	7	Varmahl.sk	6,17	5,65
3	Viktoría Eik Elvarsdóttir	Máni frá Fremri-Kvestu	brúnskj 18v	7	Varmahl.sk	5,83	5,65
4	Karítas Aradóttir	Gyðja frá Miklagarði	jörp 11v	6	Gr.Húnaþ ve	5,83	5,70
5	Sigurður Bjarni Aadnegard	Prinsessa frá Blönduósi	leirljós 7v	7	Blönduskóli	5,75	5,50
6	Lilja María Suska	Feykir frá Stekkjardal	rauður 6v	5	Húnavallask	5,33	5,75

 

	Tölt 8. – 10. bekkur	B-úrslit
Nr	Nafn	Hestur	Litur/aldur	Bekkur	Skóli	Úrslit	Fork
5	Helga Rún Jóhannsdóttir	Logadís frá Múla	rauðstj 5v	10	Gr.Húnaþ ve	6,50	5,85
6	Sigurgeir Njáll Bergþórsson	Hátíð frá Blönduósi	grár 9v	9	Blönduskóli	6,33	5,90
7	Gunnar Freyr Gestsson	Flokkur frá Borgarhóli	rauður 8v	10	Varmahl.sk	6,33	6,00
8	Ragnheiður Petra Óladóttir	Rán frá Skefilsstöðum	rauðstjörnótt 7v	10	Árskóli	6,25	5,95
9	Ragna Vigdís Vésteinsdóttir	Glymur frá Hofstaðaseli	móvindsk 8v	9	Varmahl.sk	5,67	5,85

 

	Tölt 8. – 10. bekkur	A-úrslit
Nr	Nafn	Hestur	Litur/aldur	Bekkur	Skóli	Úrslit	Fork
1	Þórdís Inga Pálsdóttir	Kjarval frá Blönduósi	grár 7v	8	Varmahl.sk	7,50	6,65
2	Birna Olivia Agnarsdóttir	Jafet frá Lækjamóti	brúnn 9v	10	Gr.Húnaþ ve	6,83	6,25
3	Ásdís Ósk Elvarsdóttir	Ópera frá Brautarholti	rauðblesó 9v	8	Varmahl.sk	6,67	6,35
4	Fanndís Ósk Pálsdóttir	Glaðværð frá Fremri-Fitjum	brúnskj 11v	10	Gr.Húnaþ ve	6,58	6,25
5	Helga Rún Jóhannsdóttir	Logadís frá Múla	rauðstj 5v	10	Gr.Húnaþ ve	6,33	5,85

 

	Skeið 8. -10. bekkur
Nr	Nafn	Hestur	Litur/aldur	Bekkur	Skóli	Besti tími
1	Helga Rún Jóhannsdóttir	Hvirfill frá Bessastöðum	rauðstjörnó 11v	10	Gr.Húnaþ ve	4,46
2	Haukur Marian Suska	Tinna frá Hvammi II	brún 7v	10	Húnavallask	4,70
3	Kristófer Smári Gunnarsson	Kofri frá Efri-Þverá	rauður 9v	10	Gr.Húnaþ ve	4,76
4	Ásdís Ósk Elvarsdóttir	Hrappur frá Sauðárkróki	bleikálóttur 10v	8	Varmahl.sk	4,77
5	Hanna Ægisdóttir	Gúrkublesa frá Stekkjarhlíð	rauðblesó	10	Húnavallask	5,01

 af síðu Þyts

Grunnskólamót – Dagskrá og ráslisti

Mótið verður sunnudaginn 4. mars í Þytsheimum á Hvammstanga og hefst kl. 13:00.

Dagskrá:

• Fegurðarreið 1.-3. bekkjar
• Tölt 4.-7. bekkjar
• B-úrslit í tölti 4.-7. bekkjar
• stutt hlé
• Tölt 8.-10. bekkjar
• B-úrslit í tölti 8.-10.bekkjar
• 15 mínútna hlé
• A-úrslit í tölti 4.-7. bekkjar
• A-úrslit í tölti 8.-10. bekkjar
• stutt hlé
• Skeið 8.-10. bekkjar

Read more

Úrslit í Skagfirsku mótaröðinni – fimmgang

 

Skagfirska mótaröðin

Fimmgangur og tölt – Ráslisti

Skagfirska mótaröðin heldur áfram næsta miðvikudagskvöld með hörkumóti með mörgum áhugaverðum hrossum og knöpum.
Þá verður keppt í fimmgangi ungmenna,-áhugamanna og meistaraflokki og einnig keppt í tölti í barna og unglingaflokki.

Í barna, unglinga, ungmenna og áhugamannaflokki eru tveir inn á í einu og stjórnað af þul.

Mótið hefst klukkan 18:00 með töltinu og það klárað,

hlé gert eftir það og keppni í fimmgangi að því loknu.

Aðgangseyrir 1000 kr.-

Read more

Grunnskólamót 4. marz á Hvammstanga !

Sunnudaginn 4. mars verður Grunnskólamót hestamannafélaganna á Norðurlandi  vestra haldið í reiðhöllinni Þytsheimum á Hvammstanga og hefst mótið  klukkan 13:00  Þetta er fyrsta mótið í vetur og vonumst við eftir góðri þátttöku og skemmtilegri keppni eins og síðastliðin ár.

 

Skráningar þurfa að berast fyrir miðnætti á miðvikudag, 29. febrúar á netfangið:   thyturaeska@gmail.com

 

Keppt verður í:

1. – 3. bekkur  fegurðarreið

4. – 7. bekkur tölt

8. – 10. bekkur tölt

8. – 10. bekkur skeið, ef veður og aðstæður leyfa

 

Við skráningu skal koma fram:

nafn, bekkur og skóli knapa – - nafn hests og uppruni, aldur og litur – - keppnisgrein og upp á hvora hönd skal riðið.

Skráningargjald er 1000 krónur fyrir fyrstu skráningu og 500 krónur fyrir næstu skráningar og skal greiða á mótsstað (með peningum - kort ekki tekin) áður en mót hefst.

 

Grunnskólamótsreglur

Mótið er hugsað til að efla áhuga á hestaíþróttinni og gefa sem flestum kost á því að taka þátt. Keppt er eftir venjulegum hestaíþróttareglum og dæmt í samræmi við þær, keppni skal stjórnað af þul. Keppendur skulu hneigja sig í upphafi og lok keppni og hlíta fyrirmælum þular í hvívetna. Allir grunnskólanemar á Norðurlandi vestra eiga þátttökurétt.

1.    Mótið heitir Grunnskólamót hestamannafélaga á Norðurlandi vestra.

2.    Keppnisgreinar eru:

Ø  Fegurðarreið      1. – 3. bekkur.  Þar eru riðnir 2 hringir og látið fara fallega dæmt skal eftir stjórnun og þokka. 2 – 3 keppendur inná í einu.

Ø  Tvígangur 4. – 7. bekkur.  Riðnir tveir hringir á annað hvort brokki eða tölti og fet ½ hringur.  Áseta og stjórnun dæmd.

Ø  Þrígangur            4. – 7. bekkur.  Riðið einn hringur brokk, einn hringur tölt og fet ½ hringur.  Áseta og stjórnun dæmd.

Ø  Fjórgangur          8. – 10. bekkur.  Venjuleg íþróttakeppni, riðnir fjórir og hálfur hringur.  Einn hringur hægt tölt, einn hringur yfirferðar tölt,  ½ hringur fet , einn hringur brokk og einn hringur stökk.

Ø  Þrautabraut         1. – 3. bekkur.  Áseta, stjórnun og færni  dæmd.  Engin tímataka. Hringurinn 3 metrar í þvermál.

Ø  Smali                   4. – 7. og 8 .- 10. bekkur.  Smalabrautin skal vera skýr og hættulaus og forðast skal allan óþarfa glannaskap.  Keppt skal eftir tíma og skal bæta 4 sekúndum við tíma fyrir hverja keilu sem felld er eða sleppt.  Ef sleppt er hliði bætast  2×4  sekúndur við.  Gult spjald er jafnt og 10 sekúndur og má sýna ef knapi sýnir grófa reiðmennsku og jafnvel víkja keppanda úr sýningu. Bannað er að fara á stökki yfir pallinn

Ø Tölt                       4. – 7. bekkur.  Tveir inná í einu, riðið hægt tölt, einn hringur, snúið við og riðið tölt með hraðabreytingum á langhliðum einn hringur og fegurðarreið einn hringur, samtals þrír hringir .

Ø  Tölt                       8. – 10. bekkur.   Tveir inná í einu, riðið hægt tölt, einn hringur, snúið við og riðið tölt með hraðabreytingum á langhliðum einn hringur og greitt tölt einn hringur, samtals þrír hringir .

Ø  Skeið                   8. – 10. bekkur mega keppa í skeiði og skal tímataka vera samkvæmt venju á hverjum stað.  Fara skal 2 spretti og betri tíminn gildir.

¨       Keppni í skeiði er með fyrirvara um veður og aðstæður á hverjum stað.

v  Gult spjald má sýna ef knapi sýnir grófa reiðmennsku og jafnvel víkja keppanda úr sýningu.

 

3.    Keppandi má koma með hest hvaðan sem er, hesturinn/hesteigandi þarf ekki að vera í hestamannafélagi viðkomandi skólahverfis.

4.    Heimilt er að sami hestur sé skráður í 2  greinar.

5.    Foreldrar mega ekki vera inn á keppnisvellinum meðan á keppni stendur

6.    Keppendur í  tví- og þrígangi í 4. – 7. bekk,  verða að velja annað hvort tvígang eða þrígang að keppa í.  Óheimilt að sami keppandi keppi í báðum greinum.

7.    Í tölti, tví-, þrí- og fjórgangi mega keppendur keppa á fleiri en einum hesti, en í úrslitum verður einungis einn hestur frá hverjum knapa.

8.    Ef tveir eru jafnir í 5. og 6. sæti skulu báðir mæta í úrslit og verðlauna bæði sætin sem 5. sæti.

9.    Járningar, 10 mm skeifur og 250 gr. hlífar eða 8 mm og botnar.

10.  Í smala er ekki leyft að ríða við stangir, annars gilda almennar íþróttakeppnisreglur.

11.  Í Tölti 4. – 7. og 8. – 10. bekk og Fjórgangi 8. – 10. bekk skulu riðin B og A úrslit ef keppendur eru fleiri en 16

Stig:

Stigatafla fyrir alla greinar nema skeið,

Ef allir keppendur í úrslitum eru frá sama skóla  fær skólinn einungis stig fyrir efsta sætið, síðan næsti skóli inn í úrslit og svo framvegis.

1. sæti            gefur 10 stig til viðkomandi skóla

2. sæti            gefur  8 stig

3. sæti            gefur  7 stig

4. sæti            gefur  6 stig

5. sæti            gefur  5 stig.

Stigatafla fyrir skeið, öll stigin geta farið á sama skóla, þetta er aukabúgrein.

1. sæti            gefur  5 stig

2. sæti            gefur  4 stig

3. sæti            gefur  3 stig

4. sæti            gefur  2 stig

5. sæti            gefur  1 stig.

Úrslit í Fjórgangi

Næsta mót verður 29. febrúar.

Það kvöld verður keppt í fimmgangi í ungmennaflokki, áhugamannaflokki og meistaraflokki.

Börn og unglingar keppa hins vegar í tölti.

 

Úrslit í Fjórgangi í Skagfirsku mótaröðinni 15. febrúar

Read more

Skagfirska mótaröðin 2012

 

Fjórgangur

 

 

Fjórgangur 15. febrúar 2012  ( ráslisti til útprentunar )

 

Hefst miðvikudaginn 15.febrúar klukkan 18:00

 

með forkeppni í barnaflokki og úrslit riðin strax á eftir.

 

Síðan er unglingaflokkur og ungmennaflokkur kláraður.

 

Áhugamanna og meistaraflokkur reka síðan lestina með úrslitum í endann.

 

Í barna, unglinga, ungmenna og áhugamannaflokki eru tveir inn á í einu og stjórnað af þul.

 

Í meistaraflokki er einn inn á í einu.

  Read more

Skagfirska mótaröðin

Skagfirska mótaröðinhefst 15. febrúar þar sem allir flokkar keppa í fjórgangi.

Keppt verður í barna-, unglinga-, ungmenna-, áhugamanna-, og  meistaraflokki.

Keppni hefst kl. 18:00 á barnaflokki. Skráning þarf að berast fyrir kl 24:00 sunnudagskvöldið 12.  febrúar á netfangið   fritz@mi.is.   Það verður kjötsúpa í kvöldmat eftir kl 19:00

 

Næsta mót verður 29. febrúar.

Það kvöld verður keppt í fimmgangi í ungmennaflokki, áhugamannaflokki og meistaraflokki.  Börn og unglingar keppa hins vegar í tölti.

 

Þriðja mótið verður haldið þann 14. mars.

Ungmenni, áhugamenn og meistarar  keppa þá í tölti en börn og unglingar keppa í annað sinn í fjórgangi.

 

Fjórða og síðasta mótið er svo áætlað 28.mars.

Í barnaflokki og unglingaflokki verður keppt í tölti en aðrir keppa í skeiði. Einnig verður  keppt í smala þetta kvöld en keppnisfyrirkomulag hefur ekki verið ákveðið  í þeirri grein.

 

Skagfirska mótaröðin er stigakeppni þar sem stigahæsti keppandinn í hverjum flokki fyrir sig hlýtur verðlaun fyrir samanlagðan árangur á mótinu.

Ísmót á Ólafsfjarðarvatni

« Undanfarandi síða — Eftirfarandi síða »