Byggingadómar hrossa

Sýnikennsla í byggingu hrossa

Fyrirhugað er að halda sýnikennslu í byggingadómum hrossa í Reiðhöllinni Svaðastöðum þriðjudagskvöldið 23. mars næstkomandi. Kennslan hefst í Tjarnarbæ kl 20:00. Síðan verður farið yfir í reiðhöll og skoðuð bygging á nokkrum hrossum. Leiðbeinandi verður Víkingur Gunnarsson kynbótadómari og kennari við Háskólann á Hólum. Hvetjum alla þá sem hafa áhuga á því að fræðast um byggingu hrossa og þá þætti sem lagðir eru til grundvallar þegar hross kemur til dóms til þess að mæta.
Fræðslunefnd Léttfeta

Árshátíð Léttfeta

Árshátíð Léttfeta verður haldin í Tjarnarbæ laugardagskvöldið  6. mars 2010.

Félagar eru kvattir til að mæta og taka með sér gesti. Húsið opnar kl 20:00 en borðhald hefst kl 20:30.

Í boði verður matur og gaman frá meistara Óla á Hellulandi og væri það óðs manns æði að telja það allt upp.

Engin drykkjarföng verða seld á staðnum. Skemmtiatriði verða að venju t.d. pistill ferðanefndar, leikrit, söngur og trall.

Síðan spilum við hljómdiska fram eftir nóttu. Herlegheitin kosta aðeins 3000 kr. per haus.

Vinsamlega tilkynnið þátttöku fyrir miðvikudagskvöldið 3. mars til Steinunnar í síma 865-0945 eða Geira í síma 894-5832.

PS hátíðin verður haldin:-)

Sýnikennsla í byggingadómum hrossa

Fyrirhugað er að halda sýnikennslu í byggingadómum hrossa í Reiðhöllinni Svaðastöðum þriðjudaginn 23. mars næstkomandi kl 20:00. Byrjað verður í anddyrinu og síðan fært sig inn í höll. Leiðbeinandi verður Víkingur Gunnarsson kynbótadómari og kennari við Háskólann á Hólum.

Fræðslunefnd Léttfeta

Nokkur orð um fundinn með Ísólfi og VÍS

Fræðslunefnd Léttfeta stóð á dögunum fyrir fræðslufundi um Íþróttakeppni. Ísólfur Líndal Þórisson kom og fjallaði um slíka keppni bæði frá augum dómarans og sýnandans. Ísólfur hefur starfað sem dómari í ellefu ár og tekið þátt í mörgum keppnum í gegnum árin. Hann er einn okkar besti fyrirlesari og reiddi því boðskapinn fram á mjög skiljan – og skemmtilegan hátt.

Hér á eftir kemur stutt samantekt um það helsta sem farið var yfir.

Frá augum dómarans á hesturinn að vera frjáls og fallegur. Knapi og hestur eiga að vera í sama liði og sýna vasklega framgöngu. Gangskiptingar þurfa að vera nákvæmar og mikilvægt er að hesturinn fari á þeim hraða sem knapinn vill. Afar mikilvægt er að takturinn sé góður „ekkert hopp upp á fótinn“

Mikilvægir hlutir sem hafa þarf í huga inn á vellinum.

•     Hneigja sig á skammhlið bæði við upphaf og endi sýningar

•     Ríða stystu leið að þeirri skammhlið sem knapinn hefur ákveðið að byrja á

•     Þegar skipta á um gangtegund er mikilvægt að fara að undirbúa hestinn einni hestlengd fyrir miðlínu skammhliðar.

•     Ef riðið er út úr beygju (inn á langhlið) þegar snúa á við er sýningin ógild.

•     Þegar hægt tölt/yfirferðartölt er riðið og ekki hægt niður á fet þegar atriðinu er lokið heldur dettur hesturinn í brokk má draga 0,5 af einkunn.

•     Hvað hraða varðar í íþróttakeppni er talað um að ríða allt að milliferð. Í gæðingakeppni er aftur á móti talað um fulla ferð.

•     Reglan á að vera sú að lipur hestur fái hærri einkunn heldur en sá sem spýtist áfram.

Sýningatækni.

•     Láta sýninguna ganga upp

•     Gera sem mest úr því góða hjá hestinum

•     Gera sem minnst úr því sem er ábótavant

•     Ekki koma með hesta þreytta í keppni

•     Hugsa vel út í það hvernig sé best að raða gangtegundum upp í sýningunni. Hvað röð hentar hestinum best. T.d. töltir hesturinn betur eftir stökk.

•     Þegar dómarar eru staðsettir fyrir utan völlinn myndast svokallað „blint svæði“ í beygjum. Þetta svæði má nýta í það að „laga hestinn til“ ef þarf. T.d. losa um stirðan hest með því að láta hann víkja í beygjunni.

•     Skrefmiklum hestum sem eiga erfitt með að tölta mjög hægt er betra að ríða aðeins hraðar á hægu ferðinni.

•     Huga að heildarmynd hestsins. Fallegri heildarmynd fyrirgefst ýmislegt.

Þetta sama kvöld fengum við til okkar góða gesti frá tryggingafélaginu Vís og kynntu þeir fyrir okkur helstu tryggingar á hrossum ásamt tryggingum á reiðtygjum, hestakerrum og bílum.

Einnig var farið yfir helstu öryggisatriði í hestamennsku svo sem notkun hjálma og endurskinsmerkja.

Lýsum okkur upp í skammdeginu og notum endurskinsmerki til þess að forða slysum á okkur sjálfum eða þeim sem að á vegi okkar verða.

.

F.h Fræðslunefndar Léttfeta

Steinunn Anna Halldórsdóttir

Árshátíð Léttfeta 2010

Fyrirhugað er að halda árshátíð Léttfeta laugardagskvöldið 6. mars. Húsið opnar kl. 20:00 en dagskrá hefst kl. 20:30. Við hvetjum fólk til að mæta og skemmta sér og öðrum. Ásamt því að borða góðan mat.

Hægt verður að panta miða hjá Steinunni í síma 865-0945.

.

Nánar auglýst síðar.

.

Fræðslu- og skemmtinefnd Léttfeta.

Fræðslukvöld um fóðrun reiðhesta í Tjarnarbæ

Fræðslukvöld um fóðrun reiðhesta

• Er hesturinn þinn of feitur eða þunnur?

• Þarf að gefa kjarnfóður?

• Hvaða steinefnum þarf sérstaklega að gæta að?

Guðrún Stefánsdóttir lektor við Hólaskóla verður með fræðslukvöld um fóðrun og holdamat reiðhesta.

Mánudaginn 15. feb. kl: 20:30 í Tjarnarbæ

Allir velkomnir – 500 kr. aðgangseyrir.   (engin kort)

.

Fræðslunefnd Léttfeta og FT-norður.

Öryggismál og íþróttakeppnir.

Fræðslufundur fimmtudagskvöldið 11. febrúar, kl 20:00 í Tjarnarbæ.

Tekin verða fyrir öryggismál, Sigurbjörn Bogason frá VÍS kemur og fræðir okkur um tryggingamál.   Einnig ætlar Ísólfur Líndal Þórisson að fræða okkur um íþróttakeppni og þær reglur sem þar gilda.

Allir – ungir sem aldnir hvatti til að mæta – heitt á könnunni !

Fræðslu og skemmtinefnd  og hestaíþróttaráð

Í loftið

Þá er loks komið að því að heimasíða okkar Léttfetsfélaga er tilbúin til notkunar. Vonandi verður þetta lifandi síða þar sem starfsemi félagsins verður kynnt hverju sinni. Umsjónarmaður síðunar verður Kristín Ármannsdóttir. Nefndir félagsins eru sérstaklega hvattar til að kynna starfsemi sína á síðunni. Öllum er frjálst að senda inn efni sem þeir telja eiga erindi til félagsmanna. Verum virk, nýtum okkur síðuna. Kveðja: Guðmundur Sv.