Við viljum benda þeim á sem eiga eftir að skrá sig á námskeiðin í barna og ungmennastarfi hestamannafélaganna
- Léttfeta – Stíaganda - Svaða – að drífa í því.
Fyrsti dagur í vikulegastarfinu er á morgun — þriðjudag -24. janúar - helgarstarfið hefst helgina 4. – 5. febrúar.
hægt er að skrá sig með e-maili á lettfetar(hjá)gmail.com eða í síma 847 2685 – Stína eða 894 7558 – Magga
Stjórnin
Mánudagskvöldið 31. janúar mun Þórarinn Eymundsson reiðkennari fjalla um þjálfun hrossa í upphafi vetrar.
Fundurinn hefst í Tjarnarbæ kl 20:00 þar sem Þórarinn rennir yfir undirstöðu atriði varðandi þjálfun hrossa sem eru ný komin á hús. Þar á eftir verður farið yfir í reiðhöllina Svaðastaði þar sem fram fer sýnikennsla á þeim atriðum sem um var rætt.
Hvetjum alla hestamenn til að mæta og bæta við sig fróðleik.
Fræðslunefnd Léttfeta.
Vetrarstarfið
Eins og glöggir hafa séð þá var auglýst eftir reiðkennurum og eða leiðbeinendum í Sjónhorninu og þá styttist í að vetrarstarf hestamannafélagana byrji. Áætlað er að fyrirkomulag á kennslu verði með líku sniði og síðastliðinn vetur, þ.e.
vikulega starfið – kennt verður á þriðjudögum og fimmtudögum frá kl. 17:00 ,
helgarstarfið – kennt verður aðra hverja helgi = 5 helgar
Áætlað er að vikulega starfið hefjist þriðjudaginn 24. janúar, þar sem
þátttakendum verður skipt í hópa og helgarstarfið byrjar laugardaginn 28. janúar,
athugið að skiptingar í hópa geta breyst eftir fyrstu tímana.
Skráningar á netfangið lettfetar( hjá) gmail.com, í
síma 847 2685 Stína – eða - 894 7558 Magga
Einnig verða teknar niður skráningar á STÓR-BINGÓinu sem verður haldið sunnudaginn 22. janúar í Tjarnabæ, frá kl. 14:00. Allur ágóði rennur til æskulýðsstarfs hestamannafélaganna.
Bingó!
Sunnudaginn 22. Janúar klukkan 14:00 verður haldið STÓR BINGÓ í Tjarnabæ og greint frá hvaða kennarar halda utan um vetrarstarfið í vetur. Stór glæsilegir vinningar fyrir hestamenn og einnig þá sem eru ekkert í hestum J
Grunnskólamót:
Búið er að setja niður dagsetningar á Grunnskólamót hestamannafélaganna á Norðurlandi vestra, mótin hefjast öll kl. 13:00
19. Febrúar á Hvammstanga – keppt verður í:
Fegurðarreið 1. -3. bekkur, Tölt 4. – 7. og 8.– 10 bekkur, Skeið 8. – 10. bekkur
11. Marz á Sauðárkróki – keppt verður í:
Fegurðarreið 1. -3. bekkur, Fjórgangur 4. – 7. og 8. – 10. bekkur, Skeið 8. – 10. bekkur
25. Marz á Blönduósi – keppt verður í:
Þrautabraut 1. -3. bekkur, Smali 4. – 7. og 8. – 10 bekkur, Skeið 8. – 10. Bekkur
ATH. keppni í Skeiði er með fyrirvara um veður og aðstæður á hverjum stað.
Æskulýðsnefndir Léttfeta, Stíganda og Svaða
Gleðileg jól,
óskum öllum félagsmönnum
Gleðilegra jóla og gæfu og farsældar
á nýju ári.
Óskum einnig félagsmönnum okkar til
hamingju sem hlutu tilnefningar og þeim unnu sigra á árinu sem er að líða.
Jólakveðja Léttfeti
Í kvöld föstudaginn, 9. des. eru hestamenn boðaðir til gleðifundar í Tjarnarbæ við Sauðárkrók og hefst samkoman kl. 20:30. Í boði verða veitingar framreiddar af Bíbí og Auði . Afhent verða afreksverðlaun ársins til hrossaræktenda og knapa.
Ræðumaður kvöldsins er Kristinn Hugason, fyrrv. hrossaræktarráðunautur BÍ.
Tilnefningar til hestaíþróttamanns Skagafjarðar 2011:
- Barnaflokkur: Ásdís Ósk Elvarsdóttir, Guðmar Freyr Magnússon, Ingunn Ingólfsdóttir, Þórdís Inga Pálsdóttir.
- Unglingaflokkur: Bryndís Baldursdóttir, Elín Magnea Björnsdóttir, Jón Helgi Sigurgeirsson
- Ungmennaflokkur: Hallfríður Óladóttir, Sigurður Rúnar Pálsson
- Fullorðinsflokkur: Elvar E. Einarsson, Magnús Bragi Magnússon, Þórarinn Eymundsson
Tilnefningar til kynbótaknapa Skagafjarðar ársins 2011:
Bjarni Jónasson, Mette Mannseth, Þórarinn Eymundsson
.
Tilnefningar til hrossaræktarbús Skagafjarðar 2011:
Flugumýri II, Hólaskóli, Prestsbær
.
Verið velkomin
Hestamannafélögin í Skagafirði og HSS
Smáréttahlaðborðið
Þá er lokið þessum áfanga í fjáröflun til að standa straum af tækjakaupum í eldhúsið. Alls söfnuðust kr. 206,000 en þó vantar í viðbót og er ætlunin að hvíla nú og safna kröftum þar til á nýju ári.
Við viljum þakka öllum sem á einhvern hátt styrktu okkur með ýmsu framlagi, vinnu, kökum, réttum, vinningum og þeim fjölmörgu sem komu og nutu um leið góðs af þessu uppátæki okkar, vonum að allir hafi haft ánægju af.
Með ósk um gleðilega jólahátíð !
Fjáröflunarnefnd
Næstkomandi sunnudag, 27. nóvember verður smáréttakvöld í Tjarnabæ frá kl. 18:00 – 20:00.Nú er komið að síðasta kvöldinu á þessu ári í þessari fjáröflunarskorpu.
Boðið verður upp á ýmsa smárétti s.s. sænska jólaskinku, grafinn silung, danskt rúgbrauð, lifrarkæfu, síld, grafinn tryppavöðva, marineraðar rækjur, heita brauðrétti og litlar kjötbollur svo fátt eitt sé nefnt.
Kaffi og piparkökur á eftir.
Þátttaka í síðustu viðburðum hefur verið all góð og verið notaleg stemming, er því ekki tilvalið að fjölmenna og eiga góða kvöldstund saman í upphafi jólaföstu og endilega að taka með sér gesti.
Verð: 12 ára og yngri kr. 1000-, 13 ára og eldri kr. 2500-.
Kort ekki tekin.
Allir velkomnir – félagar sem og aðrir – ekki teknar niður pantanir – bara mæta á staðinn!
Fjáröflunar og skemmtinefnd
Jónas Kristjánsson hefur áratugum saman skrásett þjóðleiðir á Íslandi og birtist afraksturinn í einstakri bók sem nú býðst félagsmönnum í hestamannafélögum á sérstöku kynningartilboði.
Í bókinni er yfir 1.000 reið- og gönguleiðum lýst og þær sýndar á vönduðum kortum. Stafrænn diskur sem gerir kleift að hlaða leiðunum inn í GPS-tæki fylgir.
KJÖRGRIPUR FYRIR ALLA HESTAMENN SEM FERÐAST UM LANDIÐ.
KYNNINGARTILBOÐ:
Verð til félagsmanna kr. 17.900 með sendingarkostnaði (almennt verð kr. 22.900). Tilboðið gildir til 1. desember 2011.
PANTANIR:
Sendið pantanir á tölvupósti: lhhestar@sogurutgafa.is (tilgreinið nafn, heimilisfang, símanúmer, fjölda eintaka og greiðslumáta (bankamillifærsla eða kreditkort). Eða hringið í síma 557-3100
Á Sunnudaginn 20. nóv. kl 14.00 verður kökubingó í Tjarnarbæ. 1000 krónur fyrsta spjald, kaffi og vöfflur í hléi og viðbótar spjald/spjöld á 500 krónur stykkið.
Smárétta kvöld verður haldið sunnudaginn 27. nóv. , Þá ætlum við að hafa gaman saman með jólalegu ívafi – nánar auglýst síðar
Léttfetafélagar sem og aðrir velkomnir. Vinsamlega hafið með pening sem greiðslumiðil, kort ekki tekin.
Nefndin
